İsrail ordusu Suriya ərazisinə zərbələr endirib

İsrail Silahlı Qüvvələri daha əvvəl edilən raket hücumuna cavab olaraq Suriya ərazisini atəşə tutur.

Bu barədə İsrail Müdafiə Ordusu (İMO) məlumat yayıb.

“İMO-nun artilleriya qüvvələri Suriyada raketlərin buraxıldığı ərazini atəşə tutur”, - məlumatda deyilib.
İsrail ordusu şənbə günü axşam saatlarında Suriya ərazisindən üç raketin atıldığını qeydə alıb, onlardan biri İsrail ərazisinə keçərək Colan təpələrində yaşayış olmayan əraziyə düşüb.