Bakı Metropolitenində dekabrın 1-dən yeni rejim tətbiq olunacaq

“Dekabrın 1-dən etibarən stansiyalarda ventilyatorların iş rejimi dəyişəcək”.

Bu barədə “Bakı Metropoliteni” QSC-nin Mətbuat Xidmətinin rəhbəri Bəxtiyar Məmmədov deyib.

O bildirib ki, ventilyatorlar qış rejiminə keçirilir:

“Mövsüm, hava şəraiti nəzərə alınaraq ventilyatorların iş rejiminin dəyişməsi stansiyalarda sərnişinlərin rahatlığı üçün təşkil edilir. Bunun üçün xüsusi monitorinq aparılır. Qış mövsümündə bu dəyişiklik hava haqqında məlumatlara və digər məqamlara əsasən tənzimlənir”.