Beyləqanda avtomobili aşıran sürücü öldü

Beyləqanda ölümlə nəticələnən yol qəzası olub.

Bu barədə Daxili İşlər Nazirliyinin Bərdə regional qrupu məlumat yayıb.

Bildirilib ki, hadisə Örənqala qəsəbə ərazisində qeydə alınıb.

1967-ci il təvəllüdlü Həsənov Əhməd İslam oğlu idarə etdiyi VAZ 21099 markalı avtomobili aşırıb. Nəticədə sürücü hadisə yerində ölüb.

Faktla bağlı Beyləqan Rayon polis şöbəsində cinayət işi başlanılıb, araşdırma aparılır.