Conson Putinin onu raket hücumu ilə hədələməsi barədə: “O çox rahat danışırdı”
Rusiya Prezidenti Vladimir Putin Ukraynaya müdaxilədən əvvəl təcili telefon danışığı zamanı Böyük Britaniyanın keçmiş baş naziri Boris Consonu raket hücumu ilə hədələyib.
Bu barədə Boris Conson yerli KİV-ə müsahibəsində deyib.
Conson Rusiya prezidentinə müharibənin fəlakətlə nəticələnəcəyi, Qərbin sanksiyalarına məruz qalacağı və Rusiya sərhədlərində NATO qoşunlarının sayının artmasına səbəb olacağı barədə xəbərdarlıq edib.
“Müəyyən bir anda o məni hədələdi və dedi: “Boris, mən səni incitmək istəmirəm, ancaq raketlə bu ağrı bir dəqiqə çəkəcək”. Nəsə buna oxşar bir şey dedi. Amma çox rahat tonda danışmağını və laqeydliyini nəzərə alaraq düşünürəm ki, o, sadəcə olaraq, mənim onu danışıqlara cəlb etmək cəhdlərimə qarşı qəsdən belə davranırdı”, - deyə Conson qeyd edib.
O, həmçinin Rusiyanın Ukraynaya müdaxiləsi zamanı Ukrayna Prezidenti Volodimir Zelenskiyə təhlükəsiz yerə getməsi üçün kömək təklif etdiyini xatırladıb.
“O, mənim təklifimi qəbul etmədi. Qəhrəmancasına olduğu yerdə qaldı”, - deyə Conson vurğulayıb.
.webp)
