Qarabağda ilkin olaraq Şuşa və Ağdam qazlaşdırılacaq

İşğaldan azad olunmuş ərazilərin qazlaşdırılması ilə bağlı hazırki mərhələdə yalnız layihələndirmə işləri həyata keçirilir.

Dövlət Tv xəbər verir ki, bu barədə “Azəriqaz” İstehsalat Birliyinin Yeni qazlaşma və inkişaf şöbəsinin rəisi Teymur Cəfərov məlumat verib.

O bildirib ki, ilkin növbədə gündəmdə Şuşa şəhərinin və Ağdamın qazlaşdırılması məsələsidir.

Teymur Cəfərovun sözlərinə görə, layihələndirmə işləri başa çatdıqdan və maliyyələşdirmə məsələsi həll olunduqdan sonra qazlaşdırılma işləri aparılacaq:

“Qeyd etdiyimiz işlər yekunlaşdıqdan və sayğaclar quraşdırıldıqdan sonra onların istismara verildiyi ərəfədə kodlaşdırma işləri həyata keçiriləcək”.