Türkiyə XİN Zəfər Günü münasibətilə Azərbaycanı təbrik edib

Türkiyənin Xarici İşlər Nazirliyi (XİN) Azərbaycanı 8 Noyabr - Zəfər Günü münasibətilə təbrik edib.

Bu barədə qurumun "X" sosial şəbəkəsindəki hesabında paylaşım edilib.

"Can Azərbaycanı qədim torpağı - Qarabağın işğaldan azad edilməsinin dördüncü ildönümü münasibətilə səmimi qəlbdən təbrik edirik. Azadlıq uğrunda şəhid olanların xatirəsini dərin ehtiramla yad edir, qazilərimizi minnətdarlıqla xatırlayırıq", - deyə paylaşımda vurğulanıb.